శర్మ కాలక్షేపంకబుర్లు- గండం గడచినట్టే..నా?

గండం గడచినట్టే..నా?

హుథుద్ తుఫాను రానుందన్న వార్త తెలిసినది మొదలు దానికోసం ఎదురుచూపు సరిపోయింది. 11 శనివారం సాయంత్రానికి మబ్బేసి వాతావరణం నిశ్చలమైపోయి, గంభీరంగా మారిపోయింది. తుఫాను ముందు నిశ్చలత అంటే నిజమే అనిపించింది.రాత్రి భయం భయంగా గడిచింది ఎలాగో తెల్లారింది. ఉదయానికీ వాతావరణం గంభీరంగానే ఉంది. ఆదివారం ఉదయమే సంతకెళ్ళేదాకా బానే ఉంది. తిరిగొచ్చేటపుడు కొద్దిగా గాలి మొదలయింది, చినుకులకి తడిసిపోయాం. అది మొదలు గాలి కొద్ది కొద్దిగా పెరుగుతూ వచ్చింది, చినుకు పడుతూనే ఉంది.ఉదయం తొమ్మిది దాటేటప్పటికి గాలి పెరిగి కరంట్ పోయింది. గాలి పెరుగుతూవచ్చి మధ్యాహ్నం పన్నెండుకు గాలి పెరిగిపోయింది, చినుకులు పడుతూనే ఉన్నాయి. గాలి బాగా పెరిగి తలుపులు తీయలేని స్థితి వచ్చేసింది. ఇలా మూడు గంటలదాకా గడచింది. మాకు సోలార్ ఉండటం తో టి.వి చూస్తూనే ఉన్నాం. తుఫాను గట్టెక్కుతున్నవార్త తెలిసి ఊపిరి పీల్చుకున్నాం. మధ్యాహ్నం రెండు వరకు విశాఖ, అనకాపల్లి వారితో మాటాడుతూనే ఉన్నాం. వాళ్ళకి గాలి చాలా ఎక్కువగా ఉన్నట్టు భవనాలే ఊగుతున్నట్టు చెప్పేరు. ఇళ్ళలోకి వర్షపునీరు చేరినట్టూ, సురక్షిత ప్రాంతాలకి తరలినట్టు చెప్పేరు, మరి కాస్త కుదుట పడ్డాం, ఆ తరవాత నుంచి వాళ్ళ నెట్ వర్క్ బిసీ అందికాని వాళ్ళు దొరకలేదు.. నాలుగు గంటల వరకు ఏటి.వి లో చూపినా విశాఖ వార్తలే చూపారు తప్పించి మిగిలిన ప్రాంతాల వార్తలే లేవు. ఆ తరవాత టి.వీ. కూడా రావడం మానేసింది. బయట ఎవరూ తిరిగిన జాడ కనపడలేదు. ఈ టపా రాసే సమయానికి కరంట్ వస్తూ పోతూ ఉంది, ఏడు గంటలు దాటినది మొదలు. ఇద్దరు మిత్రులు ఇతర ప్రాంతాలనుంచి మాటాడిన వారు, మాటాడినపుడు చెప్పేరు, ప్రాణ నష్టం ఉండే సావకాశం తక్కువే కాని ఆస్థి నష్టం బాగా ఉండేలా ఉంది. ఏమైనది రేపటికి గాని తెలియదు. నెట్ ఉదయం నుంచీ వస్తూ పోతూ దోబూచులాడింది కాని పని జరిగింది.గాలి పూర్తిగా తగ్గిందికాని మూడు రోజులు వర్షాలుండే సావకాశం చెబుతున్నారు, అదేమి కొంప ముంచుతుందోనని భయం.

ప్రకటనలు

2 thoughts on “శర్మ కాలక్షేపంకబుర్లు- గండం గడచినట్టే..నా?

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s